Mga Job Order Workers sa banwa sang Isabela ang nag rally sa atubang sang administrative building kag nag panawagan nga pirmahan na ang annual budget para sila ang ma swelduhan.
Sa video kag litrato nga ginpadala sa Digicast Negros nagpanawagan sila sa Sangguniang Bayan nga pirmahan na ang budget.
Ila gina siling nga sila ang gutom na. Humalin sang Enero suno sa ila wala sila nakabaton sang sweldo.
Suno kay Vice Mayor Renato Malabor, wala pa na aprobahan sang konseho ang budget bangud nga madamo pa sang requirements nga gina pangayo kag wala ma hatag sang executive. Ehemplo diri ang list of contract para sa mga job order. Suno kay Malabor ini ang maga pat-od sang pag gamit sang pondo kag kadamuon man sang iga hire nga JO workers.
“Isa na sa gina pangayo nila to approve the annual budget, para ma counter check kun tsakto ang ginahatag kay ka daku sang kwarta nga intended para sa JOs. Gapangayo sila sang lista sang kontrata, indi maghatag ang mayor’s office amo na ang isa pa gid sa mga requirements nga gina pangayo nla. (nga wala na comply hasta subong?) Huo. Halin pa sang last year”, suno kay Malabor.
Tubtob nga ma aprobahan ang annual budget indi sarang maka release sang sweldo para sa mga JO workers suno kay Malabor.
Kun matabo gid man nga ma re-enact ang budget, sarang magamit ang pondo pagkaligad pa sang 90 diyas.
Suno kay Mayor Irene Montilla, October 15, 2021 nila na submit ang budget kag kumpleto ang rekisitos kag ini ang na check man gani sang SP Secretary. Ang gina pangayo sang SP subong ang wala labot sa annual budget.
Ang gusto nila matabo suno kay Montilla amo nga may audit nga indi naman trabaho sang SP. Pila sa mga apektado sa karon tungod nga wala pa gihapon ma aprobahan ang annual budget amo ang hiring sang mga consultant, ang iban nga function sang banwa bangud nga sa ila na na devolve ini, kag gina lantaw man ang epekto sa mga development projects sa mga barangay.
Suno kay Montilla, may malisya ang lihok kay may lamud pulitika.
“They keep on calling committee hearings, they call our department heads, I tell them go. Liwat-liwat man na ang questions. They keep repeating the same thing. The whole delaying process, it’s like they can hold hostage our budget and require us to bend over for them. That’s not any more fair, It’s obviously politics. Practically malicious”, suno kay Montilla.
Sang nag ligad nga tuig natabo man ang delay sa sweldo sang mga JO kasunod man sang issue sa budget para diri.
May 430 tubtob 440 ang JO workers sang banwa suno sa alkalde.
19 million ang budget para diri sa 2021 budget suno kay Malabor.