Job fair ginpatigayon sa mall dungan sa civic military parade sa pagdumdom sang 126th Independence.
Sa monument sang Unknown Soldier sa Bacolod Public Plaza naghalad sang bulak ang mga lokal nga opisyales sang Bacolod kaupod ang mga war veterans sa pagdumdom sang 126th Independence Day sang pungsod.
Ginsundan ini sang civic military parade nga gin updan sang katapo sang PNP ,BFP, Army, Coast Guard, mga volunteer organization kag civic sectors halin sa dalan Araneta pakadto sa SM City Mall sa reclamation area.
Dungan sini ang ceremonial flag raising ceremony nga ginhiwat sang Negros Occidental Provincial Government sa Capitol Lagoon.
Kabahin sa selebrasyon ang ginpatigayon nga job fair sang DOLE Regional Office 6 upod sa Bacold PESO kag management sang mall.
Masobra 60 ka mga local firms ang nagbuylog sa job fair.
Gin-release man sang DOLE ang kapin P4.8M nga pondo gikan sang Bacolod City Congressional Office para sa TUPAD program sa siyam ka barangay.