Job order employee nga isa sa mga nakuhaan sang litrato nga nagalantaw sang program sa telebisyon sa oras sang trabaho ang ginkakas na sa serbisyo.
Wala pa ma serbe sang City Legal Office ang show cause order batuk sa lima tubtob anum ka mga empleyado nga nakuhaan sang litrato nga nagalantaw sang TV sa City Treasurer’s Office Cash Division.
Pero suno kay City Administrator, Pacifico Maghari III, na desisyunan sang siudad nga i-discontinue ang serbisyo sang JO nga isa sa mga nakilalal-an pinaagi sa litrato.
Gintagaan naman sang ultimatum sang siudad ang tanan nga departmento nga i-turnover ang mga TV sets sa General Services Office tubtob bwas.
Ginmando ni Mayor Albee Benitez ang pagkakas sang mga TV sets nga sadto ginagamit sa mga webinar kag online meetings agud nga matagaan atensyon sang mga empleyado ang pagserbisyo sa pumuluyo.