Japanese Firm may plano nga magtukod sang recycling facility, kabahin sang ila P1B investment project sa siudad.
Sa pagsinapol sang Department of Public Services ginpalab-ot sang pamunuan sang Keiwa Kogyo Company Limited ang tuyo nga magpatukod sang recycling facility sa Barangay Felisa sa Bacolod City.
Suno kay City Administrator Atty. Pacifico Maghari, III, ang Japanese Firm ang handa nga mag invest sang kapin P1B para sa operation kag construction sang ginaplano nga pasilidad.
Kabahin ini sang tikang sang siudad agud masolusyonan ang problema sa basura.
Suno kay Maghari gintun-an man karon sang siudad ang Public Private Partnership para sa amo nga programa kag padayon ang ila pagbaton sang proposal halin sa mga proponent.
Ang Japanese firm ang ikatatlo nga kumpanya nga naka submit sang proposal para sa ginadihon nga recycling facility.