Sa La Carlota City, gina paabot ang pagsumpunganay ni Mayor Rex Jalandoon kag ni anay mayor kag karon councilor Demi John Honrado.
Suno kay Vice Governor Jeffrey Ferrer nga presidente sang United Negros Alliance ukon UNEGA, si Mayor Jalandoon ang nahatagan sang CONA ukon ang certificate of nomination ang acceptance sang partido.
Kun sino ang nahatagan sini amo ang paga hatagan sang suporta suno kay Ferrer.
Suno naman kay Mayor Jalandoon, sadto anay katapo man sang UNEGA si Honrado, karon indi na siya miembro sang grupo.
Kun maga papili man bilang alkalde si Honrado iya na ini desisyon suno kay Ferrer.
Si Jalandoon ang nagbulos kay Mayor Luis “Jacky” Jalandoni, III sang mag taliwan ini sadtong Enero 2020 bangud sang ginabatyag nga masakit.
“Ang ginhatagan lang sang CONA amo na ang suportahon sang UNEGA, so kun ginhatagan si (Mayor) Rex, siya na ya ang kandidato sang UNEGA,” suno kay Ferrer.