Sa sugod pa lang sang public hearing nga gintalana para sa financial status kag refund sa mga konsumedor nag siling na nga daan si Councilor Kalaw Puentevella nga amo ang naga pamuno sa committee on energy nga luyag niya man mapa atahagan sa sunod sunod nga mga brownout nga natabo. Pati na ang one bill policy kag ang loan sang Central Negros Electric Cooperative.
Paathag ni Engineer Jose Taniongon, ang Unified Engineering and Operation Maintenance Department manager sang CENECO, nag breakdown ang insulator sang isa nila ka 69kv nga line. Dugang pa niya, sila mga konsumedor man sang CENECO kag indi man nila gusto nga may matabo nga power interruption kay ang ila nga mga pamilya apektado man.
Si Councilor Thaddy Sayson naman, ginbalikan nga humalin sang una wala gid siya naka tilaw nga may nagsabat sa iya sa hotline number sang Ceneco. Kada semana kuno naga trip off ang linya sang kuryente sa ila lugar sa Sum-ag. Ang malain pa kay may pasyente sila nga gina dialysis sa ila balay. Gani gaka pilitan siya nga manawag sa board of directors.
Gina ako naman ni acting general manager Ervin Stan Leo Ticar nga bisan sila mismo ang gina budalayan man sa pagtawag sa ila nga hotline pero gina tinghuaan nila nga mapangitaan ini sang solusyon.
Si Power Watch convenor Wennie Sancho ang nagsulat sa Sangguniang Panlungsod para matigayon ang hearing. May mga pribado man nga mga indibidwal kag energy groups nga nag tambong. Iya gina kwestyon kun ngaa wala sang may natabo nga refund sang 238 kag 149 million pesos sa mga konsumedor bisan ginmando na sang ERC pero sabat sang Ceneco gin suguran na ang refund pero indi cash kundi kinse sentimos nga diskwento sa kada kilowatt hour sa bill sa kuryente.
Ginkwestyon man ny anay councilor Jun Gamboa ang mga transaksyon sang CENECO kag mga loan. Pero suno sa CENECO nag loan sila sang P135 million pesos para maka bayad sang advance sa suppliers sang kuryente para maka avail sa discount nga nag lab-ot sa P2.4 million pesos. Sa loan nga ila nakuha gamay lang man kuno ang interes kun ikumpara sa nakuha nga discount sa advance payment.
Gin hamabaln sila ni Sancho nga dapat kun tani ang ini nga bagay ang gina pahibalo sa mga konsumedor. Ginkwestyon man ni Sancho kun ngaa wala sang board of directors sa amo nga hearing gani liwat nga maga patawag ang konseho sang public hearing kag ipatawag ang tanan nga mga board of directors.