Personal nga nag padulong sang Miyerkules ang Israeli Consul sa probinsya para mag palab-ot sang pag unong sa kalisod sang pamilya Mosquera sa pag taliwan ni Leah nga isa ka caregiver sa Israel.
Sa haya ni Leah sa ila nga balay sa San Enrique nag padulong si Israeli Consul Moti Cohen, upod ang mayor sang San Enrique Jilson Tubillara kag tiglawas sang Overseas Workers Welfare Administration, Director James Mendiola kag Department of Migrant Workers, Director Glena Algonza.
Siya ang nag istorya sa pamilya ni Leah.
Pero antes pa man siya ang nag padulong sa pamilya ni Mosquera nag bisita man siya kay Governor Eugenio Jose Lacson sa Provincial Capitol.
Sa interview sang media kay Consul Cohen iya ginsiling nga magabaton ang pamilya ni Mosquera sang assistance kag benepisyo kaangay man sang mabaton sang isa ka Israeli.
Naga hatag ang Israel sang bulig kag assistance sa yadtong mga nasamaran ukon napatay bangud sang acts of terror nga natabo sa ila lugar.
Si Leah ang napatay sadtong July 13 matapos nga mag agum sang lubha nga mga samad sang ma igo sang Iranian missile ang gina teniran nila nga apartment sang Hunyo 15.
