Nagataklos sang pusil kag gin alegar nagapamahug si Raffy Tortosa amo nga may nanugid sa kapulisan tubtob nga si ang nadakpan sa Hervias Dos sa Barangay Villamonte sang Miyerkules sang hapon.
Na-recover sa iya ang isa ka caliber .38 revolver nga may mga bala.
Suno kay Police Captain Francis Depasucat, commander sang Police Station 4, si Tortosa ang isa sa mga suspek sa pagtiro kay Wilfredo Loreno, Jr., nga kolektor sang RUSI motorcycle sa Purok Sabes sa amo man nga barangay sang Agosto 2.
Kaupod ni Tortosa ang abyan nga si Martin Beatingo nga amo ang ginatudlo nagtiro sa biktima.
Nag-angkon sang pilas sa ulo kag likod ang nakaluwas nga biktima.
Magluwas sa kaso nga frustrated homicide nga ginpasaka batuk sa ila, pasakaan man si Tortosa sang kaso angut sa pagsupak sang Republic Act 10591 ukon ang Comprehensive Law on Firearms, Ammunitions and Explosives.