Isa sa duha ka nabilin nga missing gikan fishing vessel nga nag lugdang sa baybayon sang Carles, Iloilo ang nakit-an na.
Gin tinguhaan kahapon sang mga divers ang pag retrieve sang isa pa ka bangkay nga ila nakita nga yara sa sulod sang compartment.
Suno kay Captain Jansen Benjamin, operations division chief sang Philippine Coast Guard Western Visayas, dako nga posibilidad nga ang ila nakita nga bangkay sa sulod sang compartment amo ang cook nga si Julian Dungog bangud nga didto siya naga tulog.
Ugaling napaslawan sila nga ma-retrieve ang bangkay suno kay benjamin bangud madamo sang debris pasulod sa compartment kag indi na makaigu pa gwa ang bangkay sang biktima bangud bloated na ini kag yara na sa advanced state of decomposition.
Gin panugyan na lang sang coast guard nga ipakuha sang company ang naglugdang nga fishing vessel agud makita pa sang pamilya ang bangkay sang ila himata.
Nabilin na lang nga missing amo si Manuel Auditor nga yara sa babaw sang barko suno kay Benjamin sang natabo ang pag lugdang.
Biyernes sang aga natabo ang paglugdang sang barko nga gikan sa cadiz city sa bahin sang baybayon sang Carles, Iloilo.