Isa sa mga akusado sa PNP recruitment scam sa banwa sang La Sastellana nadakpan sa Capiz. Iya karon gina panawagan ang anay konsehal sang banwa nga suno sa iya kaupod niya sa pag pang scam nga mag sungka na sa otoridad
Yara na sa custody sang La Castellana PNP si Mary June Delos Santos ang ginatudlo upod ni Sangguniang Bayan Member Donato Dumaguit sa natabo nga PNP recruitment scam sa banwa sang La Castellana.
Nagpangolekta sila sang may kapin sa P250,000 sa mga aplikante kabaylo sang pagpasalig nga makasulod sila sa PNP.
Suno sa kay Police Major Rhon Daryl Nigos ang Chief of Police sang La Castellana PNP, naaresto si Delos Santos sa Tapaz, Capiz matapos mapa panaugan sang lima ka mga warrants of arrest sa kaso nga estafa. May pito pa gid ka dugang nga mga warrants of arrest nga gindagdag sa iya pag-abot sa La Castellana.
12 pa lang ka warrant ang na serbe sa iya sa 43 ka mga counts sang estafa nga kaso nga napasaka batuk sa iya.
Nag atubang naman si Delos Santos sa media para ipanawagan si anay SB member Dumaguit nga magsungka na sa pulis para atubangon ang iya nga mga kaso kay upod sila nga duha sa natabo nga scam.
Iya pa ginsiling nga si Dumaguit amo ang tagkolekta sang kwarta sa amo nga scam.
May ginhingadlan siya nga isa ka anay opisyal sang banwa nga amo ang naga bulig sa anay konsehal nga nakig sugilanon man sa iya para i-umid sa kaso si Mayor Rhummyla Nicor Mangilimutan pero suno iya indi niya kilala ang alkalde kag wala ini sang labot sa kaso.