Isa ka babaye nga taga-Taculing ang napatay tuga sang dengue sa Bacolod.
Ginkumpirmar ni Councilor Claudio Puentevella ang pagtaliwan sang iya kakilala nga babaye tungod sang dengue sa Barangay Taculing sa Bacolod sang tinalikdan nga semana.
Tungod sang insidente ginduso ni Puentevella nga amo ang pamuno sang Committee on Health sang konseho nga dapat mas mapabaskog pa ang tikang sa mga barangay tubtob sa mga puluy-an kontra sa dengue kag kasubong man kaso sang leptospirosis.
Wala pa na-record ang na-report nga dengue death sa Bacolod City Health Office.
As of July 13, may 229 dengue cases ang na-record sa CHO.
10.5 percent ini nga manubo kun ikumparar sa 256 ka mga kaso nga na-record sang amo man nga period sang nagligad nga tuig.