Nadiskubrehan sang otoridad ang bag-o naman nga gin-alegar illegal cigarette manufacturing operation sa Purok Pulang Duta, Barangay Lag-asan sa Bago City sang Martes.
Pila ka raw materials kag packaging supplies nga ginagamit sa paghimo kag pagputos sang sigarilyo ang narekober.
Magluwas sina, may nakuha man nga isa ka Ford Ranger pickup kag Isuzu wing van truck sa lugar.
Gindakop man ang caretaker sang warehouse nga si alyas “Jo”, 29-anyos, taga Brgy. Villamonte sa Bacolod City, samtang at large ang tag-iya sang warehouse nga ginkilala kay alyas “Ber”, taga Bacolod kag ang warehouse operations manager nga si alyas “Ab”, taga Bago.
Ang operation ginpatigayon sang Philippine National Police kag Bago City Permit and Licensing Office, may kaangtanan sa nagapadayon nga imbestigasyon sa una na sadto nga nadiskubrehan nga machine manufacturing warehouse sa Purok Rosas, Barangay Calumangan sa Bago sadtong Abril 21.*
[sibwp_form id=1]