Ginsiling ni Land Transportation Office-Negros Island Region chief Jeck Conlu nga ila pagatinguhaan subong nga adlaw nga i-serbe ang show cause order sa registered owner sang Nissan Terra SUV nga nalagyo kag wala magbayad matapos nagpatughong sa isa ka gasoline station sa Barangay Taculing sa Bacolod City.
Natabo ang insidente sang Miyerkules, kag nabaton sang LTO ang video pati na ang reklamo sang Huwebes, Abril 16.
Suno kay Conlu, nakilal-an na ang registered owner sang SUV kag ang address sini.
Ang insidente, na-record sang CCTV sang gasoline station kag natandaan man sang staff ang plate number sang SUV.
P6,000 ang ginpatughong sang driver sang SUV.
Kun ma-serbe na ang show cause order, may lima ka adlaw ang registered owner nga magpaathag sa insidente.
Ikaduha na ini ka bes nga may fuel-and-run incident sa bilog nga NIR, suno kay Conlu. Ang una amo ang sadtong Pebrero 27 sa Brgy. Mansilingan, Bacolod City.*
[sibwp_form id=1]