Sa video nga kuha ni Louie Camacho makita ang pagbinuligay sang mga residente sang Purok Malvar Cubay sa Barangay Villamonte sa Bacolod mga 1:41 sang hapon kahapon.
Gina bulos bulosan nila basyahan sang tubig ang kalayo nga naga tupok sa balay pero napaslawan sila.
Sa report sang Bureau of Fire Protection, nagsugod ang kalayo sa puluy-an ni Harish Estrada. Duha tanan ka mga balay ang nasunog.
Ang isa totally destroyed kag ang isa partially damaged.
1:58 nag deklarar ang mga bombero nga fire out na.
Gina bulubanta nga yara sa 36,000 pesos ang halit sang kalayo.
Wala pa matumod ang ginhalinan sang kalayo.
Wala sang may ginreport nga nasamaran ukon napatay sa sunog.