Isa naman ka sales agent ang gin-hold-up kahapon sa Barangay San Isidro sa banwa sang Toboso.
Sa imbestigasyon sang PNP, nagapangolekta lang sales ang ahente sa amo nga lugar sang hinali mag abot ang isa ka suspek kag gin tutukan ini sang armas.
May duha man ini ka upod nga lookout. Nakuha sa biktima ang 60,000 pesos nga cash collection kag pati cellphone kag bag sang ahente.
Gilayon man naglagyo ang suspek kag iya mga upod sakay sa motor. May yara na sa karon sang persons of interest ang Toboso PNP kun sino ang may kahimuan sang pagpang hold-up.
Ikatlo na ini ka sunod-sunod nga adlaw nga may kaso nga hold-up sa probinsya kag ang mga biktima ang mga ahente.