Patay ang 46 anyos nga si Jovanie Gonzales matapos ini ginluthang sang Sabado sang gab-i sa Purok Bulak, Barangay Mandalagan sa Bacolod City.
Suno sa PNP, nagapungko lang sa kilid sang dalan ang biktima sang siya ang ginluthang sang wala makilala nga suspek sakay sa motor.
Si Captain Armilyn Vargas, hepe sang Bacolod Police Station 3, nagsiling nga masami may nagakadto sa balay sang biktima kag nagapanukot sang utang sini may kaangatanan sa iligal nga droga.
Isa ini sa ginalantaw motibo karon sang PNP. Padayon pa ang imbestigasyon sang kapulisan. Ikatlo ini nga shooting incident subong nga bulan sang Hulyo.