Sa 140 ka mga pasahero nga nag-abot sa probinsya nga nag paidalom sa rapid antigen test kahapon isa lamang ang nangin reactive.
Sa datus sang Provincial Incident Management Team, 112 ang mga pasahero sang eroplano nga nag paidalom sa RAT kag 28 naman ang sa barko.
Humalin sang ginpatuman ang libre nga RAT sa airport kag seaport, sa February 3 nga datus sang PIMT, duha pa lamang ang nangin reactive.
Base sa executive order nga ginpapanaog sang gobernador, ang mga nangin reactive sa RAT pwede nga mag paidalom sa facility quarantine ukon home quarantine.