Isa ka canter truck nga may karga nga mga semento ang nakabunggo sa pison sa atubangan sang Himamaylan New Public Market sa syudad sang Himamaylan, Negros Occidental, sini nga Biyernes sang hapon.
Ginsiling ni Police Lt. Col. Anthony Grande, hepe sang Himamaylan Police Station, duha ka mga biktima ang nakaangkon sang minor injuries samtang isa naman ang kritikal.
Sa inisyal nga impormasyon, gin-alegar natulogan ang driver sang canter truck rason nga nabungguan sini ang nagapondo nga pison sa ginakay-o nga dalan sa bag-o nga merkado sang syudad sang Himamaylan.
Bangud sang insidente, temporaryo anay nga ginpa-agi ang mga salakyan sa dalan sa kilid sang merkado.