Patay ang isa ka tuig nga bata nga lalaki matapos mabungguan sang motor sa Sitio Malipayon, Brgy. Camalobalo banwa sang Hinigaran, Domingo sang gab-i.
Ang nagadala sang motor isa ka 54-anyos kag residente sang amo man nga lugar.
Suno sa kay Police Lieutenant Voltaire Sy ang Deputy Chief of Police sang Hinigaran PNP, ginakugos sang iloy ang bata iya ginbilin ang bata sa tiya sini kay matabok siya sa dalan.
May gina kugos man nga bata ang tiya kag ang biktima hinali nga nagtabok sa dalan kay nag amag sa iloy.
Natabuan man nga naglabay ang motor kag nasangit ang bata.
Ginhingagaw dala sa sa ospital ang bata apang napatay.
Kaadlawan pa kun tani sang bata subong nga adlaw suno sa PNP.
Temporaryo nga gin-detain ang driver sang motor bangud sang insidente.