Siudad sang Sipalay ang naga paandam sa mga resort owners kag iban pa gid nga mga establishment sa siudad nga mag halong batuk sa mga naga pang into.
Ini kasunod sang insidente sang Marso 16, kun sa diin suno kay tourism officer, Jerick Lacson may isa ka resort nga naka baton sang tawag gikan sa isa ka babaye nga nag pakilala bilang ang mayor sang siudad.
Nag pa book siya para sa isa ka meeting kun sa diin mga kinse ang maga tambong.
Nag request pa sang pinaka maayo nga kalidad sang wine. Pero sang gin-verify sang manager sang resort napat-od nila nga peke.
Rason, nga suno kay Lacson naga abiso sila sa publiko nga maghalong, kag indi basta basta nga mag pati kag dapat i-verify gilayon. Sa nagliligad suno kay Lacson may kasubong man nga gin report nga insidente.
“May nag call, tapos naghambal ang caller, si mayor ang gin pangalan niya tapos naghambal siya pa set up siya dinner, food, with wine nga pinakamahal kuno nga wine. Then may accomodation pa sila. Gin pa gwa niya daw may meeting kuno bala. Nag-issue kami sa tanan nga resorts nga i-confirm gid. Kun si amo gid man ni nag order, or pwede man i-confirm gid bala sa amon para ma verify”, suno kay Lacson.