Shadow

Isa ka purok sa Ilog gin lockdown bangud indi magpa test ang close contact sang nag positibo sa COVID-19

Granular lockdown ang ginpatuman sa isa ka purok sa banwa sang Ilog matapos nga ang mga close contact sang isa ka nag positibo sa Covid-19 ang nag pamalibad mag pa test.

Suno kay Ilog Municipal Health Officer, Dr Bien Nillos, 19 ang na identify nga primary contacts sang symptomatic nga Covid positive sa Purok Rizal, Barangay Calubang.

Ini sila ang mga unvaccinated kag nag pamalibad sa pag paidalom sa antigen testing.

Mga kaupod sila sang Covid positive sa isa ka compound.

Para malikawan ang posible paglapta sang virus, ginpatuman suno kay Nillos ang duha ka semana nga lockdown.

Dugang pa niya, may impormasyon pa gid sila nga may ginhaya sa amo nga purok, nga indi malikawan ang pagpadulong sang mga tawo.

Ginpa lagda sang MHO sang waiver ang mga natungdan kag nag file sang incident report sa DILG ang ila nga talatapan. Suno kay Nillos bangud sang insidente may kabudlayan sa pagpatigayon sang contact tracing kag tigaylo magapatuman na lamang sang close monitoring sa amo nga purok.

Sa karon may 15 ka active case ang banwa suno kay Nillos.

“Kun mag refuse sila ya wala kami may mahimo. Dapat gani nga indi na sila pwede ka refuse kay violation sang RA 11332. Galing wala man kami police power. Ang gina obra namon is we will let them sign a waiver kag naga sign kami incident report sa DILG. DILG na ma ano sa ila. Ang amon objective is kun indi kamo mag pa test ang gina lagas namon ang welfare sang community. That is why ang granular lockdown is a preventive measure. Kay indi kami ka contact tracing sa area kay wala may mapa test”, suno kay Nillos.

Secured By miniOrangeSecured By miniOrange