Patay ang isa ka teacher sa siyudad sang Himamaylan matapos ini gintiro sang wala pa makilal-an nga mga persona sini lang nga gab-i sa Crossing Calasa sa Barangay Caradio-an sa amo nga siyudad.
Ang biktima amo si Mercy Miguel.
Sandig sa initial investigation sang Himamaylan PNP, sakay sa motorsiklo si Miguel upod ang iya mister sang ila makit-an ang dalagko nga bato nga naga balabag sa dalan.
Sang ila ini ginpang kuha, gilayon na lang sila suno sa pulis gintiro sang mga suspetsado nga yara sa hilamunan.
Naigu sa tiyan ang manunudlo kag patay na sang gindala ini sa ospital.
Gina hibalo pa sang PNP kun bala ang ini nga insidente ang may kaangtanan sa pinili-ay.