Manugbaligya sa merkado sa Bacolod nagsiling nga masubo ang balita nga mas mahal pa ang itlog sang sa uga!
Suno sa Agriculturist Sector Alliance of the Philippines Inc. ukon AGAP posible nga matabo nga maglab-ot sa kinse pesos ang bilog ang itlog tuga sang mahal nga production cost kag bird flu.
Pero sa Burgos Public Market, suno sa negosyante nga si Joel Niponea nagapabilin nga P6.50 ang pinakabarato nga itlog sa subong kag otso pesos naman ang pinaka mahal sa iya nga baligyaan. May isa kuno ka farm sang itlog nga nagpasaka sang beinte singko sentimos sa bili sang itlog.
Kun matabo gid man suno sa kay Joel, ini ang pinaka mahal nga bili sang itlog nga iya masaksihan sa sulod ang 25 ka tuig niya nga baligyaanay sang itlog.
Ang masubo lang kay mas mahal pa ang itlog sang sa tabagak nga uga.