Gin pang dunot kahapon ang kapin 100 ka mga illegal nga modified exhaust pipes ukon muffler nga gin pang confiscate sa banwa sang Murcia.
Makita sa video ang aktwal nga paglapak sa mga modified mufflers gamit ang pison. Suno kay Captain Mark Joeil Reclamado, hepe sang Murcia PNP, ini ang gin pang confiscate sa mga motorista sa banwa pati na ang iya sang mga nagalabay lang nga naga gamit sang magahod nga mga tambutso.
Ang banwa ang may ordinansa batuk sa pag-usar sini bangud sang noise pollution. Ginpangunahan sang mga opisyal sang banwa ang pagpalapak sa pison sang mga modified mufflers.