Wala pa sang may nabaton nga reklamu ang opisina sang Department of Trade and Industry sa Negros Occidental angut sa mga nagabaligya sang overpriced commodities
Karon nga ginapatuman ang price freeze sa idalom sang state of calamity.
Pero suno kay DTI provincial director Rachel Nufable, isa ka baligyaan sa siudad sang Sipalay ang ila naisyuhan sang show cause order sang matalupangdan sang monitoring team nga nagabaligya sang gina alegar overpriced nga mga basic commodities.
Ang DTI ang magahulat sang paathag gikan sa tagdumalahan sang baligyaan antes desisyonan kun bala may pagsupak sang Republic Act 7581 ukon ang Price Act.
Posible man ma-revoke ang business permit sang mga baligyaan nga wala sapayan nga nagasupak sa pagsulundan sandig sa layi.
Nagapadayon ang dti monitoring team sa pag-inspection sa mga baligyaan ilabi na sa southern Negros nga amo ang labi nga nahalitan sang Bagyo Odette.