IPM-CDC liwat nga nagdaug sa bidding para sa paghakot sang basura kag maintenance sang sanitary landfill sang Bacolod.
Sa bid evaluation para sa kontrata may kaangtanan sa garbage collection, hauling kag disposal, gin usisa sang katapo sang Bids and Awards Committee ang eligibility sang IPM-Construction and Development Corporation kag Metrowaste Solid Waste Management Corporation.
Suno kay BAC chairperson Mary Jean Ramos, wala makapasar sa technical nga aspeto ang Metrowaste, amo nga napili ang IPM-CDC nga may P156M nga bid para sa kontrata nga magasugod Mayo tubtob Disyembre 2023.
May P186M ang approved Budget for the Contract nga gin-request sang Department of Public Services gani naka-kinot diri sang masobra P27M ang siudad.
Wala man makapasar sa evaluation ang Metrowaste bahin sa kontrata para sa pagdumala sang sanitary landfill.
Gani liwat man nga napili ang IPM nga may P63.9M nga bid price para sa management sang landfill sa Barangay Felisa.
Suno naman kay Ramel Palalon, pamuno sang DPS, sandig man sa terms of reference sang kontrata, per volume sang mahakot nga basura kada bulan ang bayranay sa tunga sang siudad kag garbage collector indi kaangay sang nagligad nga “clean up” ukon ang sarang lang mahakot kag madala nga basura sang mga dumptruck sa landfill ang nakasaad sa kontrata.