₱1,068,000 ang multa sang siudad sang Bacolod sa IPM Construction and Delevelopment Corporation bangud wala masunod ang pila ka mga ginkasugtan sa kontrata.
Una na nga ginsiling ni City Legal Officer, Karol Joseph Chiu nga ginserbehan sang notice of violation sang Bacolod Environment and Natural Resources Office ukon BENRO ang IPM-CDC.
Dugang pa ni Chiu, may mga nagapadayon na nga mga bayolasyon ang private garbage collector lakip na diri ang kapaslawan nga mag provide sang GPS monitoring system sa City Mayor’s Office, BENRO kag Management Information Technology Computer Services (MITCS) office.
Wala man nag abot ang tatlo ka shredders sa tatlo ka dalagko nga merkado sang siudad.
Gani para kay Bacolod City Mayor Greg Gasataya, dapat nga manabat ang IPM kay ini tanan ang nakasaad sa kontrata.
₱303-million ang kontrata sang IPM nga tubtob sa Disyembre sini nga tuig.
