Ang Department of Human Settlement and Urban Development ukon DHSUD ang nag pasalig nga magahatag sang bulig pinansyal sa mga nasunogan sa Barangay 27 sa Bacolod.
Ang mga totally destroyed nga mga balay ang magabaton sang ₱30,000, samtang ang may partially damaged nga balay magabaton sang ₱10,000.
Wala naman sang bulig sa mga naga renta.
Suno kay Bacolod City Mayor Greg Gasataya, sa bahin sang Bacolod LGU P15,000 para sa totally destroyed, P10,000 sa partially damaged kag P5,000 sa renters.
Nagasugod na ang siudad sa pagbaton sang requirements para ma process gilayon ang bulig pinansyal.
Dugang pa sang alkalde nga luyag nila nga maplastar anay ang tanan pati na access road antes ipabalikon ang mga residente para sa tion sang emerhensya indi na mabudlay ang pagsulod ang salakyan.
295 tanan ka mga pamilya ang nawad-an sang puluy-an sa natabo nga sunog sa Brgy. 27, Biyernes sang kaagahon ukon malapit sa isa ka libo ka mga pumuluyo ang na apektohan.