Nakumpiskar sang otoridad ang isa ka iPhone, lima ka USB cords, tatlo ka pakete sang suspected shabu kag posporo sa ginpatigayon nga greyhound operation sa Negros Occidental District Jail sa Barangay Tabunan, Bago City sadtong Huwebes.
Ginakabig bilang kontrabando ang mga narekober nga pagkabutang kag hugot nga ginadumilian sa sulod sang jail facility.
Nagpatigayon sang greyhound ang management sang prisohan matapos makabaton sang impormasyon nga may nakasulod nga iligal nga droga sa isa sa mga dormitories sang persons deprived of liberty.
Nakuha ang iPhone sa banyo, samtang sa kisame naman sang dorm narekober ang suspected shabu, posporo kag USB cables nga nakasulod sa medyas.*