Suno kay Bacolod City Councilor Em Ang, ang chairperson sang Committee on Health maga-file siya sang resolution nga nagapangabay sa City Health Office nga magsumite sang pormal nga report parte sa insidente.
Ini agud mahibaluan kun may iban pa nga pagkabutang nga naguba sa amo nga talatapan.
Suno sa konsehal, importante ang X-ray bilang isa ka diagnostic tool, labi na para sa mga programa sang lokal nga gobyerno batuk sa tuberculosis kag para sa mga pumuluyo nga indi makasarang magbayad para diri sa pribado nga diagnostic center.
Dugang pa niya nga kabahin man sa iya plano ang pag-usisa kun ano pa nga local legislation ang mahimo sang Sangguniang Panlungsod agud mapaayo pa ang health services sang CHO.
Lakip man sa iya ipa-imbestigar ang supply sang anti-rabies vaccine sa amo man nga opisina.
Damlag pa si Bacolod City Mayor Greg Gasataya nagtukod na sang team nga maga- inventory sang CHO kag natukiban nga duha na katuig nga guba ang X-ray machine kag nagkala expire na ang X-ray films.