Ginsuguran na sa mga kabarangayan ang inventory sa mga babuyan agud mapat-od kun pila ang mga nagkalamatay mga baboy kag kun ano ang kabangdanan sang ila kamatayon.
Suno kay City Administrator Pacifico Maghari, III, nga kabahin man sang ginapatuman sang task force ang pag-monitor sang mga commercial kag backyard hog farm.
Sa initial report sang City Veterinary Office nagalab-ot na sa masobra 20 ka baboy ang na-report nga nagkalamatay sa siudad tuga sang mishandling kag bangud sang epekto man sang mainit nga panahon.
Si Mayor Albee Benitez ang damlag nagmando na kay City Veterinarian Dr. Agueda Dela Torre nga magpatuman sang inspeksyon agud mapat-od kun ano ang ginkamatay sang mga baboy.
Ginatun-an man sang siudad kun kinahanglan magpatigayon sang vaccination ilabi na nga nagasaka man ang kaso sang hog cholera sa pila ka mga banwa kag siudad sa probinsya.