Nagpadulong kahapon sa Talisay City PNP ang Negros Occidental Police Provincial Office Internal Affairs Service agud usisaon ang reklamo batuk sa isa ka pulis nga gin reklamo sang indiscriminate firing sadtong Disyembre 31.
Ginreklamo sang iya kaingud si Police Executive Master Sargeant Renzie Lambayong nga katapo sang Silay PNP matapos siya gina alegar mag palupok sang iya armas bangud sang ila nga inaaway sang iya kaingud sa Barangay Zone 12-A sa siyudad sang Talisay.
Suno kay Police Major Jigger Gimeno, gin istorya sang IAS ang pulis pati na ang pamilya sang tagreklamo angut sa kaso.
Suno kay Gimeno, wala sila sang may nakita nga ebidensya nga nagpalupok sang armas si Lambayong. Ginpanginwala man ni Lambayong ang akusasyon sang tagreklamo.
Gin dugang pa ni Gimeno nga may gindala nga deformed slug ang pamilya sang tagreklamo pero ini matapos na ang 3 ka adlaw sang sila ang nag file sang complaint sa PNP.
Si Lambayong ang padayon man nga naga duty sa karon sa Silay PNP bangud sa wala pa man sang pormal nga reklamo nga ginfile batuk sa iya suno sa pulis.
Naga padayon ang motu proprio investigation sang IAS batuk sa pulis.