Huwebes sang hapon sag nagpatigayon sang Inter-Faith Prayer kag Peace Covenant Signing ang tanan nga aspiring candidates para sa national kag local elections sa Menchaca Park sa banwa sang Calatrava.
Ginpangunahan sang hepe sang Calatrava PNP nga si P/Maj Wilfredo Benoman, Jr., chief of police kaupod si NOCPPO Provincial Director P/Col Rainerio de Chavez, Col Arnel Calaoagan, Battalion Commander sang 79IB, mga tiglawas sang nagkalain-lain nga mga simbahan kag mga kandidato ang amo nga aktibidad.
Tuyo sini nga makuha ang commitment sang tagsa-tagsa para sa isa ka malinong nga pinili-ay.
Ang banwa sang Calatrava ang isa sa mga lugar sa Negros Occidental nga napaidalom sa orange category ukon may yara sang serious threat gikan sa communist terrorist group.