Inter Agency Coordination meeting ang ginpatigayon kabahin sang pagpanghanda sa MassKara Festival 2024 sa Bacolod. May apat tanan ka mga festival sites nga ginahanda ang Bacolod LGU upod sa Bacolod Yuhum Foundation para sa MassKara Festival 2024 nga magabukas sa Oktubre 11.
Kabahin diri ang Bacolod City Government Center, Bacolod Public Plaza, Lacson Street, kag Megaworld The Upper East.
Ang deployment sang security personnel kag logistical support gikan sa Bacolod City Police Office, Bureau of fire Protection, BTAO, DRRMO kag BENRO nalakip sa natagaan atensyon para masiguro ang matawhay kag masadya nga tuigan nga okasyon sang siudad. Nalakip sa nadugang nga events ang Masskaralympics kag Masskanamit Competition. Balantayan sa October 27 ang ginadugukan nga MassKara Festival streetdancing kag arena dance competition.