Reklamo nga grave threat kag alarm and scandal napasaka na sang mga staff sang restobar batuk sa isa ka intel officer sang NBI.
Paagi sa regular filing napasaka na sang manager kag waiter upod sa tagdumalahan sang restobar ang reklamo nga grave threat kag alarm and scandal batuk sa intelligence officer sang NBI Bacolod nga gin alegar namahog kag nagpakita sang pusil.
Sa ginpadala nga statement sang management sang restobar sa Digicast Negros, ila ginpahayag nga nagapanindugan sila upod sa mga staff agud matagaan hustisya ang natabo nga pagpamahog sang intel officer nga si Jana Marie Navales sa pihak man nga nangayo na ini sang pasaylo.
Ginsiling man sang waiter nga asta subong halos indi pa siya mahim-os sa natabo ilabi na nga siya ang nag atubang sa intel officer nga sadto nagbalik nga may dala nga pusil sa restobar agud makuha ang iya jacket kag cellphone nga gin alegar nabilin sa iliman.
Ang management upod sa mga tagreklamo ang nagalaum sang madasig kag patas nga resolution sa ginfile nga reklamo.
Samtang nagapadayon ang separado nga imbestigasyon sang NBI para sa administrative case nga ipasaka batuk sa intel officer.