City Legal Office Enforcement team upod sa PNP kag BFP magapatuman sang inspeksyon kag monitoring sa mga baligyaan sang butane.
Nangin asud-asud ang nagluntad nga sunog halin sa Barangay 1, Villamonte kag Barangay 29 sa Bacolod humalin sang tinalikdan nga semana.
Gani sa pagsinapol sang katapo sang City Legal Office upod sa PNP, BFP, DRRMO kag iban pa nga natungdan nga ahensya gin recommend ang pagpatuman sang strikto nga pag inspeksyon kag monitoring sa mga baligyaan nga mahimu nagabaligya sang butane.
Suno kay City Legal Officer, Romeo Carlos Ting, Jr., indi malipod nga masami ang iligal nga pagbaligya sang butane ilabi sa mga tiangge nga malapit sa mga pamalay.
Gani luyag man nila mapasiguro nga napatuman ang ordinansa nga nagadumili sa pagbaligya pati na pag refill kag distribution sang lpg canisters ukon butane.
Nakasaad sa City Ordinance 885 ukon Anti LPG refilled canisters of Butane Ordinance nga sarang i-confiscate ang mga butane products nga ginabaligya sa siudad.