Nakuhaan sang closed-circuit television camera footages ang akto nga pagsulod kag pagsaka sang gin-alegar kawatan sa isa ka apartment unit sa Purok Himaya sa Barangay Alijis, Bacolod City, tinalikdan nga Hunyo 8.
Makita sa kopya sang CCTV nga may nag gwa nga bata sa gate kag dugay-dugay, nagsulod ang lalaki nga nagasuksok sang kalo, may takop ang guya, naka-longsleeves kag jogging pants.
Pagkaligad sang pila ka minutos, nagsaka ini sa kudal nga may suksok na nga jacket kag may dala nga bag.
Gin-alegar na kuha sang kawatan ang mga wallets nga may unod P30,000 nga cash, branded nga sapatos, gold nga pulseras, mga bags, cards, isa ka botelya sang Scotch whisky, leather jackets, projector kag pila pa ka mga gamit sa apartment.
Sadtong Mayo, ginsulod man sang kawatan ang nasambit nga apartment, kun sa diin nakuhaan man ini sang video samtang nagataklas sa railings kag kudal, bitbit na ang sako nga may unod nga mga kagamitan, nalakip na ang P10,000 nga cash, IDs kag branded nga mga sapatos.
Gina-imbestigaran pa sa karon sang kapulisan ang duha ka insidente.