Finance Committee sang konseho sang Sagay ang maga patigayon sang inquiry angut sa 7.3 million pesos nga wala ma-release nga pondo para sa mga frontliners.
Suno kay Vice Mayor Leo Rafael Cueva, bwas, Miyerkules sang aga, naka schedule ang inquiry kun sa diin gin agda si Juvy Pinongan ang City Treasurer agudto maghatag sang kasanagan sa 7.3 million pesos nga Health Emergency Allowance nga wala ma release.
22 million pesos ang kabilugan nga pondo gikan sa DOH.
Suno kay City Administrator Atty Ryan Bonghanoy sini man nga semana ila gina paabot ang resulta sang pag pangusisa sang City Legal Office nga damlag pa ang ginmanduan sang alkalde nga mag patigayon sang imbestigasyon.
Suno kay Bonghanoy, indi naman nila mapatpat pa ang kaso bangud nga naga padayon ang pagpangusisa, pero, mangin basehan sang masunod nga tikang sang siuad kun ano ang resulta sang sini nga imbestigasyon lakip na ang rekomendasyon sang CLO.
Naga pabilin naman nga selyado ang vault sang City Treasurer’s Office. Nagpadangat sang reklamo ang mga duktor kag nurse kay Mayor Narciso Javelosa, Jr., matapos nga wala nila na gihapon mabaton ang ila nga HEA apesar nga nag abot na ang pondo.
Suno kay Bonghanoy, ginsiling ni Pinongan nga nangin masako siya kag padayon pa nga gina reconcille ang pondo rason nga wala siya maka release sini. Indi man niya mabuksan ang vault bangud nalipatan kuno niya ang number combination suno sa alkalde.
Gin pangitaan naman sang medyos ni Javelosa agudto ma tigayon hatagan sang HEA ang mga frontliners.
“May inquiry nga obrahon, I just don’t know I cannot speak for her. Hopefully ara siya to explain her side. Thats the statement of vice mayor, siguro amo na ang ila nga obrahon”, suno kay Bonghanoy.