City Legal Office maga serbe sang ikaduha nga notice of violation kag closure batuk sa management sang inn nga nag-operate nga wala sang business permit. Na-issuehan na sang notice of violation kag closure ang management sang Tamera Plaza Inn sa dalan Lacson sang nagligad nga semana sang mahibaluan nga naga operate nga wala sang business permit.
Ginsiling ni City Legal Officer Atty. Romeo Carlos Ting, Jr. nga sang nagpatigayon sang mapping kag inspection ang katapo sang integrated task force nagbalibad pa ang management nga wala sila nagabaton sang guest bangud sarado na ang inn.
Pero kahapon, isa ka OFW upod sa iya pamilya ang dismayado sang nabiktima sang buka-kotse samtang naga park ang ila gin rentahan nga van sa atubang sang inn nga ila gintiniran.
Tungod sini ang City Legal Office enforcement team ang maga issue na sang ikaduha nga notice of violation batuk sa management sang inn.
Kun indi sila maka secure sang business permit sa sulod sang 15 days pasirad-an na sang siudad ang commercial establishment.