Mga infrastructure projects nga pondohan gikan sa P4.4B loan agreement nga wala pa nasuguran ang mahimo ipatuman pagkatapos na sang eleksyon.
Ang Animal Shelter nga ginaplano itukod sa Barangay Granada kag mga mini-hospitals nga ginaplano itukod sa pila ka mga barangay ang pila lamang sa mga infrastructure projects nga pondohan gikan sa loan agreement.
Pero, karon wala pa masuguran ang construction sang separado nga proyekto.
Ginsiling ni Mayor Albee Benitez nga naghinyo na sila sang exemptions halin sa COMELEC.
Kun indi gid man mahingaw sa masunod nga binulan, ginsiling sang alkalde nga mahimo sa pagkatapos na lang sang pinili-ay ini sarang ipatuman.
Kabahin sa mga infrastructure projects nga ginpangayuan na sang exemptions sang siudad paagi sa City Engineer’s Office amo ang nagapadayon nga construction sang Legislative Building, City Health Office Medical Complex, rehabilitation sang old city hall kag ang paga suguran nga Bacolod Integrated Recycling and Technology Hub sa Barangay Felisa.