Nagbayad sang P60,000 nga piyansa ang Indian national nga amo ang naga drive sang Innova nga nag arado sa mga naga-prusisyon sang Biyernes Santo sa Barangay Alangilan sa Bacolod nga nagresulta sa kamatayon sang tatlo ka persona kag pagkasamad sang 16 ka iban pa.
Ini ang ginkumpirma ni Bacolod City Police Office Director Police Colonel Joeresty Coronica.
Na-file ang kaso nga reckless imprudence resulting in mulitple homicide, multiple physical injuries kag damage to properties batuk kay Jagpreet Singh suno kay Coronica.
Gin-release na gikan sa detention cell sang Police Station 5 si Singh.