Gindagdagan sang warrant of arrest para sa kaso nga Reckless Imprudence Resulting in Multiple Homicide, Damage to Property and Physical Injuries si Jagpreet Singh, ang driver sang Innova nga salakyan nga nang-arado sa mga naga-prosesyon sa Barangay Alangilan, sa Bacolod sang Biyernes Santo.
Bangud sang pagkabunggo, tatlo ka mga persona ang napatay kag 16 ka iban pa ang nasamaran.
Nagpadulong si Singh sa Police Station 5 sa Barangay Granada Miyerkules sang aga para boluntaryo nga magsungka.
Ginsiling ni Police Major Marc Joeil Reclamado, hepe sang Station 5 sa Bacolod, matapos maproseso ang mga dokumento, nag-piyansa ang Indian national sang tunga sa milyon ka pesos.
Suno pa kay Reclamado, nagpasalig man si Singh nga atubangon sini ang iya mga responsibilidad sa mga naulamid sang pagkabunggo.