Wala sang may nakita sa karon si Negros Occidental Governor Eugenio Jose Lacson nga basehan para mag deklara sang State of Calamity sa probinsya. Indi man pabor si Lacson sa ginahaylo nga pag bakal sang eroplano para maka patigayon sang cloudseeding operation.
Paathag ni Governor Lacson damlag pa, may yara pa man sang pondo ang probinsya nga mga 8 to 10 million pesos nga pwede magamit bilang bulig para sa mga mangunguma nga apektado sang EL Nino phenomenon. Gani suno sa iya sarang anay ini nga magamit. Ang Kabankalan City kag San Enrique damlag pa ang nag paidalom na sa state of calamity. Samtang, gin panawagan ni Manuel Lamata, ang presidente sang United Sugar Producers Federation sa gobyerno probinsyal nga magdeklara sang state of calamity agudto tigayon nga makabakal ang probinsya sang eroplano para sa cloudseeding agudto tigayon man nga maka ulan sa tunga sang pag apekto sang kainiton sa mga pananum. Magasto lamang ang pagbakal sang eroplano, wala labot sang maintenance kundi pati na ang mga request sa libre nga pag gamit sini suno kay Lacson. Dugang pa niya, mismo ang mga eksperto na ang nagsiling nga indi tigayon maka dala sang ulan ang cloudseeding bangud sang kakulang sang moisture.
“The problem is not the plane. The problem is our expert saying that we cannot do a cloudseeding. We can always rent a plane, just like what we have done before. But to buy a plane, remember El Nino is not a regular occurence and yet it happened. Once you buy a plane it’s already gastos all the way, to maintain the plane. I could imagine also the request to use the plane for free”, suno kay Lacson.