BTTMD nagpa-gwa sang memorandum sa mga traffic enforcers nga pang dakpon ang mga modernized jeepney nga nagabyahe bukas ang puertahan.
Nakalab-ot sa atensyon sang pamunuan sang Bacolod Traffic and Transportation Management Department ang kaso sang konduktor nga napatay sang mahulog sa modernized jeepney.
Nag-gwa nga gulpi nagbukas ang puertahan sang modernized jeepney rason nga nahulog ang konduktor.
Ginsiling ni BTTMD OIC Patrick Lacson nga masami makit-an ang mga modernized jeepney nga nagadalagan nga bukas ang puertahan.
Gani nagmando siya sa mga traffic enforcers kag supervisors nga istriktohon ang pagbantay kag pandakpon kun kinahanglan ang mga modernized jeepney nga bukas ang puertahan samtang nagabyahe.
Indi lang ini peligroso sa mga konduktor kundi pati na sa mga pasahero.
Gani nagapangabay ang BTTMD sa mga pasahero i-report ang amo nga sahi sang insidente agud gilayon nga matagaan aksyon.