Nag gwa man ang balita nga nabaligya na sang pamilya Villar ang PrimeWater, Cadiz City Mayor Salvador Escalante, Jr. ang nagalaum nga matigayon ini, kay indi nangin maayo ang serbisyo sini.
May yara sang joint venture agreement ukon JVA sa tunga sang PrimeWater kag sang Cadiz City Water District nga naporma mga pito ka tuig ang nagligad.
Sadto nga tion suno kay Escalante mga 8,000 pa lamang ang konsumedor. 70-30 ang JVA pabor sa PrimeWater.
Karon 14,000 na ang konsumedor. Suno kay Escalante, sang mga 9,000 pa lamang ang consumers maayo ang nangin serbisyo.
Ugaling sang nagtaas na ang demand, indi na maka cope ang PrimeWater, rason nga nag paandam sadto si Escalante nga dala sang sitwasyon basi magdeklarar siya sang state of calamity.
Gani nag expand ang PrimeWater sang ila nga kapasidad paagi sa pag dugang sang water pumps.
Pero may mga lugar nga indi mahatagan sang PrimeWater sang supply sang tubig rason nga ang water district ang naga supply sini.
Luyag man kuntani nila mag transact sang bulkwater pero ini ipaagi sa water district kay wala nagabayad suno kay Escalante ang PrimeWater.
Para kay Escalante, nagalaum siya nga matigayon ang pagbaligya sang PrimeWater sa kumpanya nga may maayo nga record sa serbisyo.*