San Enrique mayor-elect Jilson Tubillara kag apat ka mga councilor-elect ang nanumpa kaina sang aga kay Governor Eugenio Jose Lacson.
Suno kay Tubillara, sa kabilugan, siya ang maga serbe bilang alkalde sang banwa sa ika anum na nga termino.
Nangin close fight ang mayoralty race sa banwa sang San Enrique. Nalutos ni Tubillara ang iya nga challenger nga si Napoleon Deflinado, Jr sa napulo ka boto.
Suno kay Tubillara, may mga impormasyon man siya nga nabaton sang posible pag-file ni Delfinado sang election protest pero sa karon, wala man siya sang opisyal nga reklamo nga nabaton.
Pero kun may yara gid man sang election protest ini ang iya nga gina abi-abi kag ini ang kabahin sang democratic process.
Humalin pa man sadto wala man sang problema suno sa iya ang accuracy sang mga vote counting machines.
Upod ni Tubillara nga nanumpa kay Lacson amo sanday Reynaldo Severino, Dr Jiff Tubillara, Kirk Steven Debulgado kag Armando Magallanes.