Incident Management Team ang gin-convene na kag operational na sumugod karon nga adlaw para mag pamuno sa surveillance kag pagpatuman sang action plan sa swine diseases.
Suno kay Provincial Administrator Rayfrando Diaz, ang IMT nga gina tapuan sang nagkalain-lain nga departamento kag ahensya nga naga lakip sang tiglawas sang mga Local Government Unit, Agriculture, Philippine Coast Guard, Philippine Army kag Philippine National Police, ang paga pamunuan sang Provincial Veterinary Office.
Si Dr Placeda Lemana ang OIC Provincial Veterinarian ang maga serbe nga incident commander.
Isa sa una nga mga tikang nga ipatuman, amo ang surveillance ukon ang pagkuha sang random blood samples para sa dugang nga testing.
Ang damlag pa samples nga napadala ang negatibo sa African Swine Fever.
Luyag man nga mahibaluan sang probinsya ang extent ukon ano ka lapad sang apektado sang masakit wala labot sang regular nga monitoring sa mortality.
“We will be monitoring through our vet, para-vets kag tanan-tanan nga mga reports regarding sa aton nga mga mortalities sa hogs. Aside from that, kundi na identify na ang iban nga areas as ground zero, kun diin to nagkalamatay ang ila population sang hogs, outside of that ma-obra na kita sang surveillance ta and screening so that we will know the full extent of the infection and that we will get real time data kun ano gid kalain ining aton situation and whether it si cholera orASF”, suno kay Diaz.
May free testing nga ipatuman sa mga farms kag ginalantaw ang pag pahamtang sang insurance system nga iplastar para sa yadtong mga hilway pa sa masakit.
Ang IMT naman ang mangin in-charge sa pag pat-od sang strategic nga pagpahamtang sang mga checkpoints.
Suno kay Diaz mas tutukan ang mga lugar nga may report na sang infection.
Ang intervention nga ipatuman maga depende man sa sitwasyon sang isa ka area.
2,421 ang na-report napatay bangud sang hog cholera sa napulo ka ma banwa kag siudad sa probinsya.