Ang Department of Agriculture kag Sugar Regulatory Administration ang nag klaro nga ang ban sa sugar importation ang maga pabilin tubtob sa December 2026.
Sa interview kay SRA Administrator Pablo Luis Azcona sang Domingo, iya ginsiling nga sa December 2026 kag indi sa September, maga pabilin ang importation ban.
Mga government officials kag sugar leaders sa isa ka sulat kay Presidente Ferdinand Marcos, Jr sang Biyernes ang nag panawagan sang declaration sang no sugar import policy sa masunod nga 18 ka bulan, magluwas na lamang kun tuman manaog ang domestic stock. Tuyo sini nga mabuligan ang pagsarurot sang mill gate prices.
Ginalauman ni Azcona nga ang millgate price maga ayo sini nga semana, sa tunga sang mga tikang nga ginapatuman sang gobyerno para mapanubo ang importation kasubong man sa pag export sang raw sugar.
Dugang pa ni Azcona nag pa gwa na sang pahayag si Sec Francisco Tiu Laurel nga base sa current production and consumption numbers may yara sang moratorium sa imports tubtob December.
Iya man ginsiling nga bangud may yara sang excess supply sang raw sugar, dala man sa pagsaka sang national production, gin desisyunan nila nga mag export sa Estados Unidos para mabuhinan man ang supply kag mapasaka man ang presyo sang millgate price.
Ang DA kag SRA suno kay Azcona ang nag desisyon nga mag export sang 100,000 metric tons sang raw sugar.*
[sibwp_form id=1]