Imbestigasyon batuk sa duha ka regular employee nga gina-alegar nagaserbe fixer sa BCGC magapadayon bisan pa may areglohanay sa mga tagreklamo.
Ginpahayag ni City Legal Officer Karol Joseph Chiu nga nagapadayon sa gihapon ang imbestigasyon angut sa ginpasaka nga administrative cases batuk sa regular employee sang BENRO kag City Treasurer’s Office Licensing Division nga gin-reklamo naga-serbe nga fixer sa Bacolod City Governnment Center.
Ini bisan pa may yara na sang settlement sa mga tagreklamo. Napasakaan na sang formal charges ang mga regular employee.
Gindugang ni Chiu nga ang mga empleyado ang naghinyo sang extension para masabat ang mga reklamo batuk sa ila.
Nag gwa nga isa sa mga tag-reklamo nga negosyante ang nakapalab-ot sang reklamo sa Isugid Kay Mayor program kag nag-alegar nga nagbayad siya sang masobra P12,000 pesos para lang makakuha sang business permit.