Iloy sang pamilya sa La Carlota City nga naanod sang baha, nasapwan-patay sa san enrique
Nakibot ang isa ka lalaki sang may nakit-an ini nga nagalabaw nga kamot sang tawo sa bahin sang Hacienda Candelaria, Brgy. Baliwagan sa banwa sang San Enrique, Miyerkules sang hapon.
Ang bangkay, ginkilala nga si Marivic Trafangco, 43-anyos, residente sang Brgy. San Miguel sa La Carlota City.
Si Marivic, ang iya bana nga si Ariel, ang ila tatlo ka mga kabataan kag isa ka hinablos nga lalaki ang naanod sang flash flood upod ang ila balay sadtong Nobyembre 4.
Ang nakit-an pa lamang nga mga bangkay amo ang kay Marivic kag sang iya duha ka mga kabataan.
Wala pa makita ang iya bana, isa ka bata kag ang hinablos.*